Çavuşoğlu: “Əfqanıstanda bütün tərəflərlə dialoqa davam edirik”

Türkiyə XİN başçısı Mövlud Çavuşoğlu Əfqanıstandakı vəziyyəti dəyərləndirib.

“Report” xəbər verir ki, Çavuşoğlu bu barədə Ammanda iordaniyalı həmkarı ilə keçirdiyi birgə mətbuat konfransında danışıb.

“Əfqanıstanda “Taliban” da daxil olmaqla, bütün tərəflərlə dialoqu davam etdiririk. “Taliban”ın bu vaxta kimi verdiyi mesajları müsbət qiymətləndiririk”, - o bildirib.

M.Çavuşoğlu Türkiyənin təkcə öz vətəndaşlarının deyil, digər ölkələrin vətəndaşlarının da təxliyəsinə kömək edəcəyini qeyd edib.