BVF Ukrayna üçün 2,2 milyard dollarlıq tranş qərarını təsdiqləyib

Ukrayna tezliklə Beynəlxalq Valyuta Fondundan (BVF) 2,2 milyard dollar məbləğində növbəti tranş alacaq.

Bu barədə “Report” BVF-nin mətbuat xidmətinə istinadən xəbər verir.

Qurumdan bildirilib ki, BVF-nin Direktorlar Şurası Ukrayna üçün genişləndirilmiş maliyyələşdirmə mexanizmi çərçivəsində genişləndirilmiş maliyyələşdirmə proqramına dördüncü yenidən baxışını başa çatdırıb. Bu, Ukraynaya büdcə dəstəyinə yönəldiləcək təxminən 2,2 milyard dollar ayırmağa imkan verib.

Qeyd edilir ki, çətin şərtlərə baxmayaraq, Ukraynanın EFF proqramı çərçivəsində göstəriciləri yüksək olaraq qalır.

Fond vurğulayıb ki, perspektivlər son dərəcə qeyri-müəyyən qalsa da, Ukrayna iqtisadiyyatı davamlı olaraq qalır.