BVF Şurası Ukraynaya 1,1 milyard dollar ayrılmasını təsdiqləyib

Beynəlxalq Valyuta Fondunun İcraçı Direktorlar Şurası 2023-cü ilin martında təsdiq edilmiş Genişləndirilmiş Kredit Proqramı (EFF) çərçivəsində Ukraynaya 1,1 milyard dollarlıq növbəti tranşın ayrılmasını təsdiqləyib.

“Report” xəbər verir ki, bu barədə fondun yazılı açıqlamasında deyilir.

Qeyd olunub ki, BVF İdarə Heyəti Ukrayna üçün Genişləndirilmiş Kredit Mexanizminin altıncı baxışını başa çatdırıb ki, bu da büdcə dəstəyinə təxminən 1,1 milyard dollar ekvivalentinin ayrılmasına imkan verəcək.