Yuxarı

Burkina-Fasoda polkovnik İsaak Zida hakimiyyəti ələ keçirib

Zida dövlət başçısı səlahiyyətlərini öz üzərinə götürdüyünü açıqlayıb

Bakı. 1 noyabr. REPORT.AZ/ Polkovnik İsaak Zida Burkina-Fasoda hakimiyyəti ələ keçirib və dövlət başçısı səlahiyyətlərini üzərinə götürdüyünü açıqlayıb. "Report" "Reuters"ə istinadən xəbər veri ki, bu barədə İ.Zida yerli "BF-1" televiziya kanalındakı müraciətində bildirib. 

Bir sutka əvvəl Burkina-Fasonun Silahlı Qüvvələr komandanı general Onore Traore özünü dövlət başçısı elan edib. Lakin bir çox nümayişçilər O.Traorenin ölkə prezidenti Blez Kompaorenin köməkçisi olması səbəbindən onun namizədliyinə qarşı çıxıblar.  Bəyanat verdikdən sonra general bir dəfə də olsun kütlə qarşısına çıxmayıb. Onun harada olması haqqında məlumat yoxdur. 

Burkina-Fasonun paytaxtı Uaqaduquda kütləvi etirazlar oktyabr ayının 28-də başlayıb. Minlərlə insan 1987-ci ildə hərbi çevriliş nəticəsində hakimiyyətə gələn Kompaorenin prezidentlik müddətinin daha da artırılmasına etiraz əlaməti olaraq  küçələrə axışıb. 

Oktyabr ayının 30-da nümayişçilər parlament binasını nəzarətə götürüblər. Oktyabrın 31-də Kompaore istefa edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi