Burkina-Fasoda 20-dən çox silahlı məhv edilib

Burkina-Fasonun şimalında son sutka ərzində 20-dən çox silahlı məhv edilib.

“Report” xarici KİV-ə istinadən xəbər verir ki, bu barədə Burkina-Faso Ordusu məlumat yayıb.

Məlumata görə, əməliyyat Kosuka və Timnaore yaşayış məntəqələri ərazisində həyata keçirilib.

Orduya polis və könüllülər dəstək verib.

Bununla yanaşı, Burkina-Faso və Nigerin hökumət qüvvələrinin hər iki ölkənin sərhəd bölgələrində birgə əməliyyat keçirməsi barədə də məlumatlar var. “Burkinabe” dövlət televiziya kanalının məlumatına görə, Nigerdən Burkina-Fasoya müdaxiləyə cəhd edən bir qrup silahlı zərərsizləşdirilib.