Bu ölkədə yeni xarici kəşfiyyat rəisi məlum oldu

Böyük Britaniyanın Xarici İşlər Nazirliyinin hazırkı siyasi direktoru Riçard Mur Xarici Kəşfiyyat Xidmətinin (MI6) yeni rəisi olacaq.

“Report” “RİA Novosti”yə istinadən xəbər verir ki, o, bu vəzifədə ser Aleks Yangeri əvəzləyəcək.

Məlumata görə, A.Yanger vəzifəsini payızda tərk edəcək.

Qeyd edək ki, Riçard Mur Böyük Britaniyanın Türkiyədəki səfiri, həmçinin ölkənin Nazirlər Kabineti katibliyinin milli təhlükəsizlik üzrə müşavirinin müavini vəzifələrində çalışıb.