Yuxarı

Brüsseldə ​NATO-nun fövqəladə toplantısı başlayıb

Toplantıda Türkiyə Rusiya qırıcısının vurulması ilə ölkənin hava məkanını pozduğunu özündə əks etdirən radar izlərini üzv ölkələrə təqdim edəcək

Bakı. 24 noyabr. REPORT.AZ/ Brüsseldə NATO Şurasının Türkiyə hava məkanını pozması səbəbindən Rusiya məxsus qırıcı təyyarənin vurulması ilə bağlı fövqəladə toplantısı başlayıb.

"Report" Türkiyə KİV-inə istinadən xəbər verir ki, Türkiyənin istəyilə ilə keçirilən iclada NATO baş katibi və Alyansa üzv ölkələrin səfirləri qatılıb.

Toplantıda Türkiyə Rusiya qırıcısının vurulması ilə bağlı məlumat verəcək və ölkənin hava məkanını pozduğunu özündə əks etdirən radar izlərini üzv ölkələrə təqdim edəcək.

Qeyd edək ki, bu gün səhər saatlarında Rusiyanın Suriyadakı hərbi aviasiya qrupuna məxsus "Su-24" döyüş təyyarəsi Türkiyənin hava sərhədini pozub. Türkiyə Hərbi Hava Qüvvələri ərazini tərk etmələri üçün ruslara 10 dəfə xəbərdarlıq edib. Bundan sonra Türkiyənin "F-16" qırıcıları "Su-24"ü zərərsizləşdirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi