Brüsseldə atışma baş verib, bir neçə metrostansiya bağlanıb

Brüsseldə fevralın 5-də mərkəzi Klemonso stansiyasında baş verən atışmadan sonra bir neçə metro stansiyası bağlanıb.

“Report” xəbər verir ki, bu barədə “Reuters” Belçika prokurorluğuna istinadən məlumat verib.

Agentliyin məlumatına görə, şübhəlilər atışmadan sonra metro tunellərinə qaçıblar. Xəsarət alan olmayıb.

Polis hadisənin narkotiklərlə bağlı ola biləcəyi versiyasını araşdırır.