Yuxarı
    Bağlamaq

    Brüssel polisi maşınında bomba olduğunu deyən sürücünü saxlayıb

    Maşın Anderlext kommunasından Molenbek kommunasına gedirmiş

    Bakı. 8 avqust. REPORT.AZ/ Brüssel polisi bu gün işıqforun qırmızı işığından keçən və maşınında bomba olduğunu bildirən sürücünü saxlayıb.

    "Report" xəbər verir ki, bu barədə şəhər prokurorluğunun rəsmi nümayəndəsi məlumat verib.

    "Sürücü ən azı bir qadağanedici siqnaldan keçib və polisin dayan əmrinə məhəl qoymayıb. Bundan sonra təqib başlayıb. Polis avtomobilə bir dəfə atəş açıb. Onu saxlamaq mümkün olub", - məlumatda bildirilib.

    Maşın Anderlext kommunasından Molenbek kommunasına gedirmiş. Hər iki kommunanın sakinləri arasında daha çox terrorçuluq ittihamları olur.

    Qaydaları pozan şəxs isə saxlanıldıqdan sonra maşınında bomba olduğunu deyib. Polis isə istehkamçılar çağırıb.

    İndi polis istehkamçıların araşdırmasının nəticəsini gözləyir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi