Britaniyanın yeni müdafiə nazirinin adı açıqlanıb

Böyük Britaniyanın enerji və karbon neytrallığı naziri Qrant Şapps sabiq nazir Ben Uollesin yerinə müdafiə naziri təyin edilib.

“Report” xəbər verir ki, bu barədə “Sky News” telekanalı bildirib.

Bu gün Baş nazir Rişi Sunak Ben Uollesin istefasını təsdiq edib.

"Bu təyinatı almaq mənim üçün böyük şərəfdir. Ben Uollesin son dörd il ərzində Böyük Britaniyanın müdafiəsi və qlobal təhlükəsizliyinə verdiyi böyük töhfəni qeyd etmək istərdim", - Q.Şapps sosial şəbəkələrdə onun təyinatını şərh edib.