Britaniyanın Solsberi şəhərində iki əsgər intihar edib

Britaniyanın Uiltşir qraflığının Solsberi şəhərindəki hərbi bazada iki əsgər intihar edib.

Bu barədə “Report” “Daily Mail”ə istinadən xəbər verir.

Bildirilir ki, hərbçilər xidmətə yenicə başlamış 19 yaşlı qızı öz otağında ölü tapıblar. O, atıcı taburunun əsgəri olub.

Onun ölümündən bir neçə saat sonra 28 yaşlı kiçik kapral ölüb. Qəzetin yazdığına görə, hər iki əsgər öz canına qəsd edib.

Böyük Britaniyanın Müdafiə Nazirliyi hadisə ilə bağlı araşdırma apardığını bildirib. Solsberidəki hərbi bazada Milad bayramı zamanı oxşar hadisələrin əvvəllər də baş verdiyi qeyd olunur.