Britaniyada yeni baş nazir seçkilərində 4 namizəd qeydə alınıb

Hazırda Böyük Britaniyanın baş naziri postu uğrunda Mühafizəkarlar Partiyasının lideri və ölkənin xarici işlər naziri Liz Trass da daxil olmaqla dörd nəfər mübarizə aparır.

“Report” “Sky News”a istinadən xəbər verir ki, bu, ilkin səsvermənin təhlilindən sonra məlum olub.

Namizədlər birinci tura keçmək üçün 20, ikinci tura keçmək üçün isə 30 tərəfdarın dəstəyini əldə etməlidirlər.

Bu günə qədər ikinci turun səsvermə bülletenində yalnız bir namizəd iştirak edə bilər - istefası Boris Consonun postunu tərk etmək prosesinə başladığı, Mühafizəkarlar Partiyasının 43 nümayəndəsinin dəstəyini qazanan Maliyyə Nazirliyinin keçmiş rəhbəri Rişi Sunak.

İkinci yeri hazırda beynəlxalq ticarət nazirinin müavini və Böyük Britaniyanın müdafiə naziri postunda ilk qadın Penni Mordaunt tutur - onu 25 mühafizəkar dəstəkləyib.

Liz Trass və İcmalar Palatasının Komitəsinin sədri Tom Tuqendxat da ilk turda səsvermədə iştirak etmək üçün baryeri keçiblər - onların hər ikisi Rusiya əleyhinə mövqeləri ilə tanınırlar.