Böyük Britaniyada koronavurusun "omikron" ştamı ilə yoluxma nəticəsində ölənlərin sayı artıb.
"Report" TASS-a istinadən xəbər verir ki, bu barədə Birləşmiş Krallığın Sağlamlıq Təhlükəsizliyi Agentliyi məlumat yayıb.
Məlumata görə, yeni ştamdan ölənlərin sayı yeddi nəfərə çatıb.
Bundan əlavə, son sutka ərzində ölkədə COVID-19-un bu variantına daha 10 059 yoluxma halı müəyyən edilib. Ümumi yoluxma sayı isə 24 968 nəfər təşkil edir.
Qeyd edək ki, yeni ştamdan ilk ölüm halı dekabrın 13-də qeydə alınıb.
Londonda "omikron" ştamının sürətlə yayılması səbəbindən fövqəladə vəziyyət elan edilib.