Britaniyada meymunçiçəyinə yoluxma sayı 106-ya yüksəlib

Böyük Britaniyada meymunçiçəyinə daha 16 yoluxma qeydə alınıb.

"Report" xarici KİV-ə istinadən xəbər verir ki, bu barədə Böyük Britaniyanın Səhiyyə Təhlükəsizliyi Agentliyi məlumat yayıb.

Bununla da ümumi yoluxma sayı 106-ya çatıb. Onlardan 101-i İngiltərədə, üçü Şotlandiyada, bir nəfər isə Uelsdə aşkarlanıb.

Agentlik əlavə edib ki, virusun ölkə əhalisi üçün yaratdığı təhlükə səviyyəsi aşağı olaraq qalır.

Ümumdünya Səhiyyə Təşkilatının məlumatına görə, çiçək xəstəliyinə qarşı vaxtında peyvənd 85 % hallarda meymun xəstəliyinə yoluxmadan qorunma təmin edir. Əvvəllər peyvənd olunmuşlarda xəstəlik daha yüngül keçir.