Britaniya yanvarın 1-dən Rusiyadan almaz idxalına qadağa tətbiq edəcək

Böyük Britaniya 2024-cü il yanvarın 1-dən Rusiyadan almaz və bəzi metalların idxalına qadağa qoyacaq.

“Report” xəbər verir ki, bu barədə Böyük Britaniya Xarici İşlər Nazirliyinin bəyanatında deyilir.

Bundan başqa rəsmi London bir sıra ikili təyinatlı malların Rusiyaya ixracına da qadağa tətbiq edəcək. Söhbət hərbi və ya sənaye məqsədləri üçün istifadə oluna bilən mallardan, eləcə də Ukraynanın döyüş meydanında aşkar etdiyi əşyalardan gedir.