Britaniyanın müdafiə naziri: “Əminəm ki, bu il Krım azad ediləcək”

“Əminəm ki, bu il Krım azad ediləcək”.

“Report” xarici KİV-ə istinadən xəbər verir ki, bunu Böyük Britaniyanın müdafiə naziri Ben Uolles deyib.

Onun fikrincə, Rusiya Prezidenti Vladimir Putin ölkəsinin üzləşdiyi problemlərin miqyasını hələ də dərk etmir: “Putin hələ də Ukraynanı məğlub edə biləcəyinə inanır. O, tam məğlub olduğunu başa düşənədək canlı qüvvəsini döyüş meydanına səfərbər etməyə davam edəcək”.

B.Uolles bildirib ki, Rusiyanın hərbi texnikası da getdikcə tükənir: “Bu, Ukraynanın bu il Krımı azad etməsinə imkan verəcək”.

Qeyd edək ki, daha əvvəl Ukrayna Prezidenti Volodimir Zelenski bildirmişdi ki, müharibə Krımın azad olunması ilə başa çatacaq.

Xatırladaq ki, Krım 2014-cü ildə işğal edilib.