Britaniya kəşfiyyatı: "Rusiya Ukraynaya hücum nəticəsində xeyli zəifləyib"

“Rusiya silahlı qüvvələrinin müasirləşməsi Ukraynada üstünlük qazanmağa imkan verməyib”.

“Report” xəbər verir ki, bu barədə Böyük Britaniya Müdafiə Nazirliyinin yaydığı kəşfiyyat məlumatında bildirilib.

“Ötən illər ərzində Rusiyanın müdafiə büdcəsi bir neçə dəfə artıb. Lakin hərbi strateji planlaşdırma, əməliyyat icraatındakı uğursuzluq bu məqamın üstünlüyə çevrilməsinə imkan verməyib. Rusiya ordusu Ukraynaya hücumu nəticəsində həm maddi, həm də konseptual olaraq xeyli zəifləyib. Sanksiyalar Rusiyanın durumunu da ağırlaşdıracaq”, - məlumatda bildirilib.