“Rusiyaya bağlı “Vaqner” özəl hərbi şirkəti, çox güman ki, Donbasda Vuhlehirska Elektrik Stansiyası və yaxınlıqdakı Novoluqanske kəndi ətrafında taktiki irəliləyişlər əldə etməyə nail olub”.
“Report” xəbər verir ki, bunu Britaniya Müdafiə Nazirliyi kəşfiyyat məlumatlarına əsasən bildirib.
Qeyd olunub ki, Ukraynanın bəzi qüvvələri həmin ərazidən geri çəkilib.
Rusiyanın xarici işlər naziri Sergey Lavrovun Misir, Efiopiya, Uqanda və Konqoya səfərinə toxunan Britaniya kəşfiyyatının məlumatına görə, rəsmi Moskva ehtimal ki, beynəlxalq ərzaq böhranında Qərbi günahlandırmaq üçün belə səfərlərdən sui-istifadə edir: “Həmçinin Rusiya neytral qalan Afrika dövlətlərinin dəstəyini qazanmağa çalışacaq”.