Britaniya Kralı Baş nazirin istefasını qəbul edib - YENİLƏNİB

Böyük Britaniya Kralı III Çarlz Baş nazir Rişi Sunakın istefasını qəbul edib.

“Report” TASS-a istinadən xəbər verir ki, bu barədə kralın mətbuat xidməti məlumat yayıb.

Məlumata görə, Rişi Sunak Kral III Çarlza istefa müraciətini təqdim edib.

R.Sunak Baş nazir və xəzinənin birinci lordu vəzifəsindən istefa verib.

Qeyd edək ki, o, 25 oktyabr 2022-ci ildən bəri Böyük Britaniyada hökumət başçısıdır.

11:40

Böyük Britaniyanın Baş naziri Rişi Sunak istefa ilə bağlı müraciətini Kral III Çarlza təqdim edib.

"Report" xəbər verir ki, bu barədə Britaniya KİV-i məlumat yayıb.

O, son 200 ildə ölkənin ən gənc hökumət başçısı olub. Sərvəti Britaniya kralının sərvətini üstələyən R.Sunak iki ildən az müddətə bu vəzifədə çalışıb.