Braziliyada virusa yoluxanların sayı 10 milyonu ötdü

Braziliyada yeni növ koronavirus infeksiyasına 51 879 yeni yoluxma faktı qeydə alınıb.

Bu barədə “Report” ölkənin Səhiyyə Nazirliyinə istinadən xəbər verir.

Bildirilib ki, son sutkada 1 367 nəfər COVID-19-dan vəfat edib.

İndiyədək ölkədə ümumilikdə 10 030 626 nəfərin koronavirus infeksiyasına yoluxması faktı müəyyən edilib, onlardan 9 milyondan çoxu müalicə olunaraq sağalıb, 243 457 nəfər vəfat edib.

Beləliklə, Braziliya ABŞ və Hindistandan sonra dünyada koronavirusa yoluxanların sayının 10 milyonu keçən üçüncü ölkə olub.