Braziliyada təbii fəlakətdən ölənlərin sayı artıb

Braziliyanın şimal-şərqində Bahiya və Minas Jerais ştatlarında leysan yağışların səbəb olduğu sel daşqınlarından ölənlərin sayı 12-yə çatıb.

“Report” xarici KİV-ə istinadən xəbər verir ki, təbii fəlakət nəticəsində 267 nəfər xəsarət alıb, 8300-dən çox sakin ev-eşiyini tərk etmək məcburiyyətində qalıb. Bütövlükdə isə təbii fəlakətdən 220 mindən çox insan ziyan çəkib.

Xilasedici dəstələrin su basdığı bəzi ərazilərə gedə bilməməsinə görə ölən və yaralananların sayının artacağı bildirilir.