Braziliyada prezident Bolsonaroya qarşı etirazlar başlayıb

Braziliyanın böyük şəhərlərində prezident Jair Bolsonaroya qarşı mitinqlər keçirilir, etirazçılar onun impiçmentini tələb edirlər.

Bu barədə “Report” RİA “Novosti"yə istinadən xəbər verir.

Rio-de-Janeyro şəhərində keçirilən dinc aksiyalarda ictimai birliklər, sol partiyalar PT, PSOL, PCaoB, PSB, Rede və PDT iştirak edir. Təşkilatçılar mərkəzçiləri və sağ mərkəzçiləri nümayişlərə cəlb etmək istəsələr də, onlar iştirakdan imtina ediblər.

Etirazçıların səsləndirdikləri şüarların əksəriyyəti sayı 600 minə yaxınlaşan pandemiya qurbanları, peyvəndlərin alınmasında gecikmə, işsizlik, aclıq, qaz və yanacaq qiymətlərinin yüksək olması ilə əlaqədardır.