BQXK: Noyabrın 24-dən Qəzzada 58 girov azad edilib

Noyabrın 24-dən bugünədək Qəzza zolağından azı 58 girov azad edilib, daha 85 fələstinli girov təhvil verilərək İordan çayının qərb sahilinə gətirilib.

“Report” xəbər verir ki, bunu RTVI telekanalına müsahibəsində Beynəlxalq Qızıl Xaç Komitəsinin (BQXK) baş direktoru Robert Mardini bildirib.

“BQXK yalnız neytral vasitəçi kimi çıxış edərək, bu şəxslərin ailələrinə təhvil verilməsini asanlaşdırıb”, - R.Mardini deyib.

Xatırladaq ki, HƏMAS hərəkatı ilə İsrail arasında əldə edilən razılaşmaya əsasən noyabrın 24-də Qəzza sektorunda dördgünlük atəşkəs rejimi qüvvəyə minib.