BP Qırmızı dənizlə tankerlərinin daşınmasını dayandırıb

Böyük Britaniyanın BP neft-qaz şirkəti Qırmız dənizlə neft tankerlərinin daşınmasını müvəqqəti olaraq dayandırıb.

“Report” “Bloomberg”ə istinadən xəbər verir ki, buna səbəb olaraq Yəməndəki husi qiyamçılarının gəmi və tankerlərə hücumu göstərilib.

Məlumata görə, Danimarka “A.P. Moller-Maersk” və Almaniyanın “Hapag-Lloyd” şirkətləri də dekabrın 15-də Qırmızı dəniz vasitəsilə daşınmalarını dayandırıb.

Bildirilib ki, dekabrın 16-da Fransanın “CMA CGM” və İsveçrənin Aralıq dənizi gəmiçilik (MSC) müəssisələri də bu marşrutla bütün konteyner daşımalarını dayandırdıqlarını elan ediblər.