Böyük Britaniya Rusiyanın Yamalo-Nenets Muxtar Dairəsinin Karp qəsəbəsindəki cəzaçəkmə koloniyasına rəhbərlik edən 6 nəfərə sanksiya tətbiq edib.
"Report" xəbər verir ki, bu barədə Britaniya hökumətinin rəsmi saytında məlumat yerləşdirilib.
Bildirilib ki, sanksiya tətbiq edilən şəxslər cəzaçəkmə koloniyasının rəisi Vadim Kalinin və onun müavinləri - Sergey Korjov, Vasili Vıdrin, Vladimir Pilipçik, Aleksandr Qolyakov, Aleksandr Obraztsovdur.
Qeyd edək ki, rusiyalı siyasətçi Aleksey Navalnı fevralın 16-da sözügedən cəzaçəkmə koloniyasında vəfat edib.