Boris Conson seçkilərdə yenidən namizəd olmaq üçün siyasəti tərk etməyəcək

Böyük Britaniyanın keçmiş baş naziri Boris Conson növbəti parlament seçkilərində yenidən namizəd olmaq üçün siyasəti tərk etməmək qərarına gəlib.

"Report" xəbər verir ki, bu barədə "The Daily Telegraph" məlumat yayıb.

Qeyd olunur ki, yenidən İcmalar Palatasına seçilmək Consona mühafizəkarların lideri və ölkənin baş naziri postu uğrunda yenidən mübarizə aparmağa imkan verəcək.

Eyni zamanda, parlament seçkilərinə yaxın onun fikrini dəyişmək və seçkilərdə iştirakdan imtina etmək hüququ var.