Borel Kiyevin Vaşinqton və Brüsselin köməyindən asılı olduğunu bildirib

“ABŞ və Avropa İttifaqının köməyi olmasa, Ukrayna bir neçə həftə ərzində Rusiya ilə münaqişədə təslim olacaq”.

“Report” xəbər verir ki, bunu Avropa İttifaqının xarici siyasət və təhlükəsizlik məsələləri üzrə Ali nümayəndəsi Cozef Borel ABŞ-da Xarici Əlaqələr Şurasının seminarında çıxışı zamanı bəyan edib.

O, Kiyevin Vaşinqton və Brüsselin köməyindən asılı olduğunu xatırladaraq deyib: “Sizsiz və bizsiz Ukrayna bir neçə həftəyə təslim olar”. Borel bir daha Kiyevin Rusiya ərazisinə hücumlar üçün silahdan istifadəyə qoyulan məhdudiyyətləri aradan qaldırmağın zəruriliyi ilə bağlı fikirlərini bildirib.