Avropa İttifaqının ən bədbəxt ölkəsi məlum olub

Bolqarıstan sakinləri həyatdan razılıqlarını 10 baldan altı ilə qiymətləndiriblər.

“Report” xəbər verir ki, bunu Avropa Statistika Agentliyinin araşdırma məlumatları sübut edir.

Almaniya sakinləri özlərini bir az da xoşbəxt hesab edirlər. Onların həyatdan məmnunluq balı 6,5-dir. Almanlar narahatlıq və apatiyaya meylli olduqlarını etiraf ediblər. Onlar bu vəziyyəti iqtisadiyyatdakı problemlər və Ukraynadakı münaqişə ilə bağlı narahatlıqlarla əlaqələndirirlər.

Bundan əlavə, Almaniya vətəndaşlarını narahat edən məsələlər arasında immiqrasiyanın artması və siyasi liderlərin qeyri-populyarlığı da var.

Araşdırmaya görə, Avstriya sakinləri məmnunluq səviyyəsini səkkizlə qiymətləndirsələr də, özlərini ən xoşbəxt hiss edirlər.

Sorğu Rumıniya, Polşa və Finlandiyadan olan respondentlər arasında ən yüksək göstəriciləri aşkar edib. Onların hər biri 7,7 xal toplayıb.