Bolqarıstan “Qazprom”la yeni müqavilə üzrə danışıqlardan imtina edib

Bolqarıstan hələlik "Qazprom"la yeni müqavilə ilə bağlı danışıqlara getmir.

“Report” xəbər verir ki, bunu Bolqarıstan Baş nazirinin iqtisadi siyasət üzrə müavini Xristo Aleksiev deyib.

Onun sözlərinə görə, rəsmi Sofiya hesab edir ki, belə bir qərarı müvəqqəti hökumət qəbul etməməlidir.

Qeyd olunub ki, əvvəlcə Bolqarıstanda mayeləşdirilmiş təbii qazın uzunmüddətli tədarükü üçün beynəlxalq tender elan ediləcək və müqavilənin bağlanması qərarını yeni hökumət verəcək.

Xatırladaq ki, aprel ayında Bolqarıstan Rusiya qazı üçün rublla ödənişlərə keçməkdən imtina etmişdi və nəticədə “Qazprom” ölkəyə tədarükləri dayandırıb. Bundan sonra ölkə alternativ təchizatçılar tapmağı planlaşdırıb.