BMT: Suriyadan olan miqrant və qaçqınların sayı 5 milyon nəfəri keçib

Bakı. 30 mart. REPORT.AZ/ Suriyada münaqişənin başlamasından ötən altı il ərzində miqrant və qaçqınların sayı ilk dəfə 5 milyon nəfəri keçib.

"Report" RİA "Novosti"yə istinadən xəbər verir ki, bu barədə BMT-nin Qaçqınlar üzrə Agentliyindən bildirilib.

Agentliyin məlumatına görə, xarici ölkələrin gələn bütün qaçqınların 2018-ci ilə qədər 10%-nin yerləşdirilməsi ilə bağlı qərar qəbul etdiyi konfransdan bir il sonra 500 min nəfərdən yalnız 250 mini yerləşdirilib.

BMT agentliyi bu il təqribən 1,2 milyon qaçqının köçürülməyə ehtiyac duyacağını, onlardan 40%-nin suriyalı olacağını hesab edir.