BMT Qəddafinin oğlunun məhkəmə prosesindən narahatdır

Bakı. 29 iyul. REPORT.AZ/ Liviyada 2011-ci il inqilabı zamanı baş vermiş hərbi cinayətlərlə bağlı sabiq dövlət başçısı Muammər Qəddafinin oğlu Saif əl-İslamın və daha 7 nəfərin ölüm cəzasına məhkum edilməsi BMT-nin "dərin narahatlığına" səbəb olub.

"Report"un BBC-yə istinadən verdiyi xəbərə görə, BMT numayəndələri bildiriblər ki, polkovnik Qəddafinin oğlu ilə bağlı məhkəmə prosesi ciddi pozuntularla müşahidə olunub və beynəlxalq standartlara cavab vermir.

Seyf əl-İslam hazırda Tripolidəki hökumətə tabe olmaqdan imtina edən silahlı qüvvələrin nəzarəti altındakı Zintan şəhərindəki həbsxanadadır.