BMT: Ukraynalı qaçqınların sayı 1,5 milyonu ötüb

Rusiya ilə Ukrayna arasında müharibə başlayandan bugünədək 1,5 milyondan çox insan ölkəni tərk edib.

"Report" xəbər verir ki, bu barədə BMT-nin Qaçqınlar üzrə Ali Komissarı Filippo Qrandi tviterdə yazıb.

Qrandinin sözlərinə görə, bu, İkinci Dünya Müharibəsindən sonra Avropada ən sürətlə böyüyən qaçqın böhranıdır.

Bundan əvvəl Avropa İttifaqının ukraynalı qaçqınlara humanitar yardımın ilk tranşını ayırdığı barədə məlumat yayılıb.