Kipr məsələsinin həlli istiqamətində növbəti addımlar təklif olunacaq.
"Report"un ABŞ bürosu xəbər verir ki, bunu BMT Baş katibinin sözçüsü Stefan Dujarrik jurnalistlərə açıqlamasında deyib.
Sözçü bildirib ki, bölgədən səfərdən dönən BMT Baş katibinin şəxsi nümayəndəsi Maria Angela Cuellar Kipr məsələsinin həlli istiqamətində xüsusi hesabat hazırlayıb:
"BMT Baş katibi Kiprdə irəliləyiş yolunda ümumi dil tapmaq səyləri üçün onun hesabatını alıb. Baş katib indi Kipr Rum və Kipr Türk liderlərinə növbəti addımlar təklif etmək üçün Angela Cuelların hesabatındakı tövsiyələri nəzərdən keçirir", - Dujarrik qeyd edib.