BMT: “Hamı Ukraynadakı müharibədən narahatdır, amma Əfqanıstanda daha ciddi böhran var”

BMT: “Hamı Ukraynadakı müharibədən narahatdır, amma Əfqanıstanda daha ciddi böhran var” BMT-nin Qaçqınlar üzrə Ali Komissarı Filippo Qrandi Əfqanıstandakı böyük humanitar ehtiyacları və əfqan qaçqınların xaricdəki ağır vəziyyətini unutmamağa çağırıb.
Digər ölkələr
150
19 Mart , 2022 08:55
BMT: “Hamı Ukraynadakı müharibədən narahatdır, amma Əfqanıstanda daha ciddi böhran var”
Filippo Qrandi

BMT-nin Qaçqınlar üzrə Ali Komissarı (UNHCR) Filippo Qrandi Əfqanıstandakı böyük humanitar ehtiyacları və əfqan qaçqınların xaricdəki ağır vəziyyətini unutmamağa çağırıb.

Bu barədə “Report” xarici mətbuata istinadən xəbər verir.

“Bəli, bu gün hər kəs Ukraynadakı müharibədən narahatdır və haqlı olaraq belədir, lakin Əfqanıstanda da çox ciddi böhran var”, - Qrandi deyib.

BMT Qaçqınlar üzrə Ali Komissarı Əfqanıstana səfəri zamanı Qəndəharda tibb mərkəzinin və Cəlalabadda qızlar məktəbinin rəsmi açılış mərasimi olub. Onlar Komissarlığın dəstəyi ilə tikilib.

Qrandi Əfqanıstana bazar ertəsi gəlib. O, müvəqqəti hökumətin nümayəndələri ilə yanaşı, həmçinin BMT və qeyri-hökumət təşkilatları ilə görüşüb.

Qeyd edək ki, bu gün Əfqanıstanda 3,4 milyon məcburi köçkün var. Ölkənin səhiyyə sistemi COVID-19 və qızılca epidemiyası səbəbi ilə xəstəxanalarla dolub. Məktəblər və xəstəxanalar da daxil olmaqla, bir çox qurumların işçisi maaş almır. Ərzaq və yanacağın qiyməti bahalaşır. Hazırda milyonlarla əfqan aclıqla üz-üzədir. Artıq bu gün bu ölkədə əhalinin 95 faizi kifayət qədər qidalanmır.

“Ümumilikdə, bu il ölkə daxilində 24 milyon əfqanın humanitar yardıma ehtiyacı var. Biz donorlara müraciət edirik ki, böyük humanitar əməliyyata vəsait ayırsınlar, bu, mənim gördüyüm kimi, mühüm nəticələr verir”, - deyə BMT rəsmisi əlavə edib.

Bu il BMT əfqanlara kömək üçün 4,4 milyard ABŞ dolları istəyib.

Son xəbərlər

Orphus sistemi