BMT Əfqanıstana humanitar yardım göndərib

Birləşmiş Millətlər Təşkilatı (BMT) Əfqanıstanda zəlzələdən əziyyət çəkən mülki əhali üçün humanitar yardım göndərib.

“Report” xəbər verir ki, bu barədə qurumun “X” hesabında məlumat verilib.

Bildirilib ki, BMT agentlikləri, tərəfdaşları və faktiki hakimiyyət orqanları ilə birgə zəlzələdən əziyyət çəkən əhaliyə humanitar yardım göstərilməsi davam etdirilir.

Xatırladaq ki, oktyabrın 7-də Əfqanıstanın qərbində 6,3 bal gücündə zəlzələ baş verib. Son məlumatlara görə, təbii fəlakət nəticəsində 2 500 nəfər ölüb, on minlərlə insan yaralanıb, çox sayda insan dağıntılar altında qalıb.