ABŞ Moldovada demokratiyaya xələl gətirən şəxslərə qarşı sanksiyaları davam etdirəcək.
“Report” xəbər verir ki, bunu ABŞ-nin dövlət katibi Antoni Blinken Kişineuda Moldova Prezidenti Maya Sandu ilə keçirdiyi mətbuat konfransında çıxışı zamanı deyib.
“Biz Moldovada demokratiyanı pozmaq istəyən və ya buna cəhd edənlərə qarşı sanksiyalar tətbiq etdik. Bu sanksiyaları dəstəkləmək üçün lazım olan məlumatları əldə etdikcə, bunu davam etdirəcəyik”, – Blinken bildirib.