Bişkekdə 5,1 maqnitudalı zəlzələ olub

Qırğızıstanın paytaxtı Bişkekdə zəlzələ baş verib.

“Report” xəbər verir ki, bu barədə Qırğızıstan Milli Elmlər Akademiyasının Seysmologiya İnstitutundan bildirilib.

Yeraltı təkanlar şəhərin bütün ərazilərində hiss edilib.

Avropa-Aralıq dənizi Seysmoloji Mərkəzinin məlumatına görə, zəlzələnin maqnitudası 5,1 təşkil edib, episentri Qırğızıstan-Özbəkistan sərhədində, təxminən 10 km dərinlikdə yerləşib.