Binyamin Netanyahu: "İsrail ordusu ərazisinə edilən raket hücumlarına güc tətbiq etməklə cavab verəcək"

Bakı. 29 may. REPORT.AZ/ İsrail ordusu Qəzza sektorundan ərazisinin raket və minaatanlardan atəşə tutulmasına güc tətbiq etməklə cavab verəcək.

"Report" TASS-a istinadən xəbər verir ki, bu barədə İsrailin baş naziri Binyamin Netanyahu bildirib.

"İsrail HƏMAS və "İslami cihad" qruplaşmalarının hücumlarını ciddi şəkildə qəbul edir, İsrail ordusu buna böyük güc tətbiqi ilə cavab verəcək. İsrail ona ziyan vurmağa çalışanlara artıqlaması ilə cavab verəcək", - baş nazir deyib.

İsrail tərəfi qeyd edib ki, mayın 29-da Qəzza sektoru tərəfindən endirilən zərbələr son bir neçə ildə ən böyükmiqyaslı hücumlardır.