İsrail HHQ-nin Beyruta hücumu nəticəsində 11 nəfər ölüb, 33 nəfər yaralanıb - YENİLƏNİB

İsrail Hərbi Hava Qüvvələrinin (HHQ) Beyruta hava hücumu nəticəsində ən azı 11 nəfər həlak olub.

“Report” xəbər verir ki, bu barədə "Al Hadath" telekanalı məlumat yayıb.

Həmçinin 33 nəfərin yaralandığı bildirilir.

09:19

Beyrutda İsrail Hərbi Hava Qüvvələrinin (HHQ) hava hücumu nəticəsində ən azı dörd nəfər həlak olub, 23 nəfər yaralanıb.

“Report” xəbər verir ki, bu barədə "Əl-Manar" telekanalı məlumat yayıb.

Yerli vaxtla saat 4:00 radələrində bir neçə güclü partlayış baş verib. “Reuters”in məlumatına görə, İsrail ən azı dörd raket atıb.

Yerli KİV bir yaşayış binasının tamamilə dağıldığını, qonşu binaların ciddi zərər gördüyünü bildirib. Bu, cari həftə ərzində İsrailin Beyrutun mərkəzinə endirdiyi ən azı dördüncü hava zərbəsidir.