Bəşşar Əsədin keçmiş kəşfiyyatçıları Almaniyada mühakimə olunur

Almaniyanın Koblenz əyaləti ali məhkəməsi Suriya kəşfiyyatının keçmiş əməkdaşı Eyad əl-Garibi insanlığa qarşı cinayətin törədilməsinə yardım etdiyi üçün 4,5 il azadlıqdan məhrum edib.

“Report” “TRTHaber”ə istinadən xəbər verir ki, o, Bəşşar Əsəd rejiminə müxalifətdə olan 30 nəfərin işgəncəyə məruz qalmasında köməklik göstərib.

Suriya kəşfiyyatına işləmiş şahid Enver Raslanın məhkəməsi davam edəcək.

Onun 2014-cü ildə, Garibin isə 2018-ci ildə Almaniyaya getdikləri və hər ikisinin 2019-cu ildı Berlində tutulduğu bildirilib.

Əlli yeddi yaşlı Raslan 2011 və 2012-ci illərdə insanlığa qarşı cinayət işlətməklə yanaşı, təcavüz və 58 cinayət işi üzrə ittiham olunur .