Benqazidə partlayışlar zamanı ölənlərin sayı 33-ə çatıb, 70-dən çox yaralı var - YENİLƏNİB

Bakı. 24 yanvar. REPORT.AZ/ Liviyanın Benqazi şəhərində baş verən silsilə partlayışlar nəticəsində ölənlərin sayı 33 nəfərə çatıb, 70-dən çox insan yaralanıb.

“Report” xəbər verir ki, bu barədə yerli hökumətə istinadən "Al Arabiya" məlumat yayıb.

Telekanalın məlumatına görə, partlayışlar məscid yaxınlığında insanlar namazdan sonra bayıra çıxmağa başladığı zaman baş verib.

***02:38

Bakı. 24 yanvar. REPORT.AZ/ Liviyanın Benqazi şəhərində törədilən silsilə partlayışlar nəticəsində ən azı 22 nəfər həyatını itirib.

“Report” xəbər verir ki, bu barədə yerli tibbi mənbəyə istinadən AFP nəşri məlumat yayıb.