Belqradda iğtişaşlardan sonra 56 nəfər xəstəxanaya yerləşdirilib

Serbiyanın paytaxtı Belqradda etirazlar zamanı nümayişçilər tərəfindən törədilən iğtişaşlar nəticəsində 56 nəfər xəstəxanaya yerləşdirilib.

“Report” xəbər verir ki, bunu Serbiya Prezidenti Aleksandr Vuçiç xalqa müraciətində deyib.

Onun sözlərinə görə, iğtişaşlarda iştiraka görə 22 nəfər saxlanılıb.

Serbiyanın Daxili İşlər Nazirliyi isə bildirib ki, aksiyalarda ölkənin müxtəlif yerlərindən gələnlərin sayı təxminən 107 min civarında olub və polis nümayişçilərin dağıdılması üçün heç bir addım atmayıb.

Qeyd edək ki, insanlar keçən il noyabrın 1-də Novı Sad şəhərindəki dəmiryolu vağzalında 15 nəfərin ölümü ilə nəticələnən qəzaya görə aksiya keçiriblər.