Belçikada Rusiyaya gedəcək 1,5 min yük konteyneri saxlanılıb

Belçikanın Antverpen və Zerbyuqqe dəniz limanlarında Rusiyaya göndəriləcək 1,5 min yük konteyneri saxlanılıb.

“Report” “RİA Novosti”yə istinadən xəbər verir ki, bu barədə Belçika Krallığının Gömrük və aksiz idarəsinin başçısı Kristian Vandervaren bildirib.

Onun sözlərinə görə, uyğun şirkətlər konteynerdəki malların Rusiyaya qarşı tətbiq edilən sanksiyalar siyahısında olmadığına dair sənəd təqdim etdikdən sonra yük təyinatı üzrə yola salınacaq.