Belçikada koronavirusa yoluxanların sayı 25-ə çatdı

Belçikada daha 10 nəfərdə koronavirus infeksiyası aşkarlanıb.

“Report” yerli “Le Soir”ə istinadən xəbər verir ki, bununla da ölkədə koronavirusa yoluxanların sayı 25-ə çatıb.

Məlumata görə, yoluxanların sayının artması gözlənilir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 81 ölkə və regionu əhatə edir.

Dünyada koronavirus infeksiyasına indiyədək yoluxanların sayı 94 170-ə çatıb. Bunların 51 187 nəfəri sağalıb, 3 219 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.