Bayden: “Ola bilsin, sinaqoqda insanları girov götürən şəxs silahı küçədə alıb”

“Texas sinaqoqunda insanları girov götürən britaniyalı silahı küçədə ala bilər və ilkin narahatlığın əksinə olaraq onun üzərində heç bir partlayıcı qurğu yox idi.

“Report” “RİA Novosti”yə istinadən xəbər verir ki, bunu ABŞ Prezidenti Cozef Bayden deyib.

"Hadisə ilə bağlı məndə bütün faktlar yoxdur və baş prokurorda (ABŞ-ın baş prokuroru Merrik Qarland) da yoxdur. Amma ehtimal edilir ki, o, silahı küçədə, təyyarədən yerə enəndə alıb. Görünür, onun bombaları yox idi. Biz bunu bilirik, hərçənd o, bombalarının olduğunu demişdi”, - Bayden jurnalistlərə bildirib.

O, Kollivill şəhərində baş verənləri terror aktı adlandırıb. 44 yaşlı Britaniya vətəndaşı Malik Feysal Akram olduğu müəyyən edilən cinayətkar 10 saatlıq qarşıdurmadan sonra şənbə günü hər üç girovu azad edən xüsusi təyinatlı əsgərlər tərəfindən məhv edilib.