Bayden iqlim dəyişikliyini bəşəriyyət üçün yeganə təhlükə hesab edir

İqlim dəyişikliyi bəşəriyyət üçün yeganə ekzistensial təhlükədir.

"Report" xəbər verir ki, bu fikirləri ABŞ Prezidenti Cozef Bayden bu il Atlantada (Corciya ştatı) dövlət başçısı vəzifəsinə namizəd Donald Trampla seçkiqabağı ilk teledebatda çıxışı zamanı deyib.

"O (Tramp - red.), ətraf mühit üçün heç bir iş görməyib. O, Paris iqlim sazişindən çıxıb. Mən dərhal ona qoşuldum, çünki Yer kürəsinin hər hansı bir yerində temperaturun 1,5 dərəcə yüksəlməsinə yol açsaq, geriyə yol olmayacaq. Bəşəriyyət üçün yeganə ekzistensial təhlükə iqlim dəyişikliyi olacaq və o, mənim etdiyim hər şeyi geri qaytarmaq istəyir", – ölkə lideri vurğulayıb.

Qeyd edək ki, ABŞ-də prezident seçkiləri noyabrın 5-də keçiriləcək.