Barselonada terror aktında şübhəli bilinən 3 nəfər zərərsizləşdirilib

Bakı. 18 avqust. REPORT.AZ/ Barselonada terror aktında şübhəli bilinən 3 nəfər Kambrilsdə zərərsizləşdirilib.

"Report" xəbər verir ki, bu barədə "El Mundo" qəzeti məlumat yayıb.

Qəzetin məlumatına görə, həmin şəxslər terror aktında iştirak etməkdə şübhəli bilinirlər. Qeyd edək ki, Barselonada sürücü avtomobili kütlənin üzərinə sürüb. Nəticədə 119 nəfər xəsarət alıb, 15 nəfər ölüb. Yerli mətbuat həmçinin sürücünün də Kambrilsdə zərərsizləşdirildiyini xəbər verib.

Hadisə terror aktı kimi qiymətləndirilib.