Bakı. 23 İyun. REPORT.AZ/ Ağ ev prezident Barak Obamanın Koreya Xalq Demokratik Respublikasına qarşı sanksiyaların müddətini uzatmasına dair ABŞ Konqresinə bildiriş göndərib.
"Report" TASS-a istinadən xəbər verir ki, Obama sanksiyaların uzadılmasını Koreya yarımadasında nüvə materiallarının olması və yayılma riski, həmçinin ölkə hökumətinin regionda stabilliyi pozan hərəkətləri ilə əlaqələndirib.
Onun sözlərinə görə, KXDR ABŞ və onun müttəfiqlərinin silahlı qüvvələrini və ticarət tərəfdaşlarını təhlükə altında qoyur ki, bu da ölkənin milli təhlükəsizliyi və iqtisadiyyatı üçün təhlükə yaradır.