Bağdaddakı terror aktlarının təşkilatçıları məlum oldu

İŞİD terror qruplaşması Bağdadda törədilən terror aktlarına görə məsuliyyəti üzərinə götürüb.

“Report” xəbər verir ki, bu barədə ekstremistlərin təbliğat resurslarına istinadən “Agency France Presse” məlumat yayıb.

Bağdadda iki terror aktı cümə axşamı səhər saatlarında Əl-Bab əş-Şarkiy ərazisindəki bazarlardan birində törədilib. İraqın Hərbi Qüvvələrinin rəsmi nümayəndəsi Yəhya Rəsul bildirib ki, ölkənin təhlükəsizlik xidmətləri terrorçuları təqib edən vaxt onlar partlayıcı qurğunu işə salıblar. Məlumata görə, terror aktı zamanı 32 nəfər həlak olub, daha 110 nəfər yaralanıb.