Bakı. 29 aprel. REPORT.AZ/ İraqın paytaxtı Bağdadın mərkəzi hissəsində ən azı 6 nəfər ölüb, 7 nəfər xəsarət alıb.
"Report" xəbər verir ki, bu barədə "Al Arabiya" telekanalı məlumat yayıb.
Məlumata görə, paytaxtın Əl-Karrada məhəlləsində minalanmış avtomobil partladılıb.
İraq ərazisində fəaliyyət göstərən heç bir terror qruplaşması partlayışa görə məsuliyyəti öz üzərinə götürməyib.
***00:26
İraqın paytaxtı Bağdad şəhərində güclü partlayış baş verib.
"Report" xəbər verir ki, bu barədə yerli mətbuat məlumat yayıb.
İlkin məlumatlara görə, insident, Fələstin vətəndaşlarının qaldığı ehtimal edilən mehmanxana yaxınlığında qeydə alınıb.